Bloomberg: Creditornan no a ricibi pago haci pa PDVSA siman pasa

WASHINGTON – Mientras cu Venezuela a sigura siman pasa cu nan a cumpli cu pago di 842 miyon dollar na nan creditornan, e creditornan awor ta bisa cu nan no a ricibi nada riba nan ‘cuenta di banco’. Asina e portal financiero Bloomberg ta raporta awe. Segun e portal, e directiva di PDVSA ta teniendo e investornan den ‘scur’ pa loke ta e status di e pago critico di dia 27 october ultimo.

PAGO

PDVSA a sigura siman pasa cu e pago a wordo manda, pero manera infoirm caba, inversionistanan no a mira placa den nan cuenta bancario. No tabatin comunicacion pa e parti di e compania (PDVSA) of oficialnan di gobierno desde siman pasa ora cu nan a bisa cu nan a haci e pago. Preguntanan tocante e status di pago ta pone na duda, segun e portal, cu si PDVSA lo cumin cu e siguiente pago principal di 1.1 biyon dollar diahuebs awor. Lesa e articulo di bloomberg completo AKI.