Wever: Partidonan den coalicion a pidi reunion riba e.o status di minister Paul Croes

ORANJESTAD - Partidonan den coalicion MEP, POR y RED a pidi reunion publico den Parlamento pa trata e status di minister demisionario P. Croes, y pa trata e 61 miyon florin EXTRA cu e proyecto di Hospital lo costa. Asina lider di fraccion di partido MEP Evelyn Wever Croes a informa NoticiaCla diamars merdia. Segun Wever, partidonan MEP, POR y RED ta tuma integridad hopi na serio y ta cuminsa cu manda e señal bon cla cu no ta tolera corupcion den gobernacion. No ta conoci ki dia e reunion(nan) aki lo tuma lugar ainda si. Den un combersacion cu e portal aki, e presidente nobo di Parlamento Guilfred Besaril a informa cu pa diahuebs caba lo cuminsa atende reunionnan pendiente, pero no a specifica cua di e reunionnan esaki lo ta.