Britannia a bay cu victoria riba RCA

Posted on 10/31/2017 9:39 am AST | Updated on 10/31/2017 9:40 am AST

ORANJESTAD - Diabierna anochi e campeonato di futbol Division Honor di Arubaanse Voetbal Bond (AVB) a continua cu e encuentro entre RCA y Britannia. Ambos ekipo a purba crea peliger por medio di nan delanteronan. Durante wega tabatin algun tiro riba gol pa ambos ekipo, pero sin mucho peliger. Britannia tabatin algun oportunidad clave pa habri e marcado, pero no a sa di probecha di esaki. Britannia a bay cu e victoria di 1-0 contra di RCA.

Ambos ekipo tabatin un marcacion basta estricto, cu a haci e wega basta fisico na cierto ocasion. Britannia tabata un tiki mas peligroso cu RCA, unda a crea algun oportunidad pa gol pero no a logra habri e marcado. Y asina tambe e prome mita a bay aden na 0-0.

Den e di dos tempo RCA a crea un bon oportunidad den e prome minuut di wega, pero no a probecha di esaki. Na 48 minuut Britannia a crea un oportunidad clave di gol por medio di un tiro di skina pero no a sa di probecha di esaki. Na 51 minuut di wega Bergen di RCA a ricibi un carchi geel pa un infraccion agresivo riba e hungado Luis Estrada. Wega a continua y na 56 minuut Gomez di RCA tabatin 1 contra 1, pero keeper Werleman a sa di tene e score na cero. Ni un minuut despues Diquon Ras ta dal e bala den tubo y asina tambe Britannia ta scapa. Na diferente ocasion Britannia tabata crea peliger, pero e barera di RCA no a rindi.

Na 60 minuut di wega Luis Estrada a ricibi un carchi geel pa un infraccion, mientras cu na 62 minuut Diqion Ras un biaha mas a haya un oportunidad pa habri e marcado, pero keeper Werleman a luci bon un bes mas. Britannia tabata crea peliger pa medio di e hungado Luis Estrada, kende a sa di trece e defensa di RCA cu centronan peligroso. Na 69 minuut e adicion di Hulanda, esta Godoy, a habri marcado pa e pumanan di Piedra Plat, ora cu keeper Marval no por a tene a bala y esaki a cay riba pia di e delantero cu a sa di probecha di esaki. Na 81 minuut Ronald Gomez a comete un infraccion contra Carlos Caro y pa cu esaki el a ricibi un carchi cora, mientras Caro a ricibi geel.

Despues di e carchi cora, Britannia a cuminsa bira mas peligroso den e parti defendi pa RCA. Apesar di e desbentaha, RCA a crea algun oportunidad pa empata e partido pero keeper Werleman tabatin un tremendo anochi. Y asina tambe Britannia a bay cu e 3 puntonan y yega 4 punto y RCA a keda cu su 6 punto.

  • Aruba Karate Bond na e ‘4th Caribbean Karate Championship Curaçao 2018’

    Aruba Karate Bond na e ‘4th Caribbean Karate Championship Curaçao 2018’

    ORANJESTAD – Diaranson ultimo e seleccion di Aruba Karate Bond a sali pa Corsou pa participa na e ‘4th Caribbean Karate Championship Curac?ao 2018’. E seleccion di Aruba Karate Bond ta consisti di 6 atleta en total, cualnan ta Maresha Tromp, Janilaine Bello, Silvana Agudelo, Kevan Prada, Alejandro Gonzalez Lujan y Kevin Lugo.

  • Aruba Soccer Academy Summer Camp Cu Andre Ooijer

    Aruba Soccer Academy Summer Camp Cu Andre Ooijer

    ORANJESTAD - Despues di e popularidad di e Benu-Sparta-ASA Soccer Camp na April 2018, awor Aruba Soccer Academy su tercer edishon di Summer Camp, hunto cu guest coach Andre Ooijer a clausura como un exito rotundo! Andre Ooijer ta un hungado conosi na Hulanda, cu a train bow guia di e Ajax su jeugdopleiding. Den su prome añanan como hungador professional, Andre a hunga defensa pa FC Volendam y Roda JC. Despues Andre a hunga den Eredivisie cu PSV. Andre a disfruta di hunga internashonalmente tambe na Inglaterra pa Blackburn Rovers, pa despues firma back cu Ajax.

  • Francia ta gana Croatia y titula campeon mundial futbol 2018

    Francia ta gana Croatia y titula campeon mundial futbol 2018

    MOSCOW – Ganando di Croatia cu e score di 4-2, Francia a titula campeon di Copa Mundial di futbol 2018 diadomingo den stadion Luzhniki. E wega tabatin tur ingrediente di un final di un mundial. Goalnan tremendo, auto goal, penalty y mas. Francia a hinca e prome goal pero Croatia a impata esaki. Cu un penalty (debi na handsball di Croatia cu a keda confirma pa via di sistema tecnologico), e wega a bira 2-1. A sigui dos goal mas di Francia y den un hugada cu a sorprende e arkero di Francia, Croatia a hinca su di dos goal. Den un awacero torencial despues di wega, e ekiponan a ricibi nan respectivo trofeonan.

  • Aruba Campeon Latino Americano 2018 Junior League

    Aruba Campeon Latino Americano 2018 Junior League

    STA CRUZ – E ekipo di Aruba 1 den Junior League a titula campeon diadomingo marduga despues di un wega maratonico, ganando di Panama cu un score di 15 - 4 den di 10 inning. E wega a bira interesante na di 7 inning pa Aruba ora cu e la logra empata e wega na 4. E wega no a bay sin problema ora cu empire a saca un hungador di wega pa motibo di posibel agresion, ora un hungador di Panama lo a slide na primera base cu intencion di leciona un hungador di Aruba. Despues a saca e manager di Panama cu tambe tabata haci fastioso. E campeonato a cuminsa dia 6 di juli te cu 15 di juli. Potret cortesia Telearuba. 

  • Ronneke Kats ta representa Fundacion Zinnia na 4 Daagse Nijmegen 2018

    Ronneke Kats ta representa Fundacion Zinnia na 4 Daagse Nijmegen 2018

    ORANJESTAD - Ya ta hopi aña caba cu varios Arubiano a y ta participa na e famoso caminata aki y e aña aki no ta un excepcion. Fundacion Zinnia, representa pa señora Ronneke Kats, ta cla pa ranca sali na e 4 dia di caminata aki, unda cu tin miles di participante tambe. E di 102 Vierdaagse ta cuminsa dia 17 di juli y ta termina dia 20 di juli 2018 y lo ta consisti di varios ruta den e bunita ciudad yena di mata grandi, Waalstad.

  • Team Aruba ta titula campeon overall di CCCAN 2018

    Team Aruba ta titula campeon overall di CCCAN 2018

    ORANJESTAD - Un palabra di pabien ta bay pa nos seleccionnan di landamento, landamento artistico y Open Water cu a logra e prome lugar overall den e CCCAN 2018. Recientemente Aruba a host un di e campeonatonan mas grandi den nos region cu ta e Central American and Caribbean Amateur Swimming Confederation(CCCAN). Durante 12 dia largo 479 atleta for di 24 pais a competi contra di otro den e tres disciplinanan di landamento cu ta landamento artistico, landamento y Open Water.

  • Powered by SETAR