Posibel crisis den gobierno na St Maarten pa motibo di ayudo for di Hulanda

PHILIPSBURG – Tin un crisis na caminda den gobierno di St Maarten. Asina partner di noticia di NoticiaCla, Caribisch Netwerk ta raporta. Presidente di parlamento Sarah Wescot-Williams ta menasa di retira su sosten na e coalicion di National Alliance (NA), United St. Maarten Party (USP) y Democratic Party (DP). E president ta protesta cu e gabinete ta cerando e porta pa ayudo financiero di Hulanda, y den esaki particularmente prome minster Marlin.

Diabierna Wescott a bin cu su menasa na final di un reunion di comision riba e consecuencianan di e horcan Irma. Durante e reunion tabatin un cantidad di pregunta haci na entre otro Marlin y minister di finanza Richard Gibson pero pa frustracion di Wescot, e no tabata haya contesta. Segun e presidente di parlamento, den ausencia di un otro plan, St Maarten no por cera porta pa ayudo di Hulanda.

Gijzelen

Den wowo di e gabinete Marlin, St Maarten no mester wordo secuestra pa e gobienro Hulandes. Den Haag kier acopla e ayudo financiero na dos condicion. E instalacion di un camber di integridad, y asistencia di Marechaussee na e control di frontera, cu ta algo cu no mester segun Marlin, pasobra tur cos ta funciona bon.

‘Plan B’

Marlin a sigui bisa cu St Maarten no ta depende di ayudo di Hulanda y cu e tin un plan B, pero no a bisa kico e plan ey ta. Miembronan di Parlamento di otro partidonan tambe kier accion pasobra 7 siman despues di e pasada di horcan ainda no tin bista riba un ayudo concreto.

Di Caribisch Netwerk ; Foto Hilbert Haar.