Raymond Knops ta representa Gabinete Rutte III pa asuntonan di Reino

DEN HAAG – Pa di prome biaha for di 2010, despues di e desmantelacion di Antia Hulandes, no ta un minister lo atende Relacionnan di Reino sino un secretario di estado. Inicialmente tabata conoci cu Kasja Ollongren lo mester bira e minister manera cu NoticiaCla a raporta tambe, pero despues a cambia esaki pa un secretario di estado. E cambio aki a sorprende hasta e propio departamentonan concerni. 

RETONAN GRANDI

E reconstrucion di Sint Maarten, e fondo pa yudansa y e crisis na e pais bisiña Venezuela, a percura caba pa discucion bou di e mando di Ronald Plasterk. E municipio Caribeño Sint Eustatius tambe ta un fuente di precupacion pa Den Haag. E isla kier impone outonomia: un exigencia cu ta cana samsam cu pleitunan formal cu e ministerio di BZK. Tin bukinan yen di apreciacion- y consehonan di e comishon-Spies tambe ta warda e politico di CDA. Nan ta trata di e desigualdad entre e parti Caribeño y e parti Hulandes di Hulanda.

KEN TA RAYMOND KNOPS?

Knops ta ex -militar y un profesional riba area di gobernacion. Como miembro di Tweede Kamer pa Defensa y maneho pa exterior, e ta conoci cu e islanan. E tin mas cu dies aña di experiecia den Parlamento y prome cu esey e tabata conseha cu cartera. Banda di esakinan e tin un lista largo di funcionnan gubernamental y di presidencia. E miembro di Tweede Kamer Raymond Knops (CDA) ‘No nonsense y straight’, asina e ex -presidente di Tweede Kamer Gerdi Verbeet (PvdA) a tipifica Knops durante su despedida di Tweede Kamer na 2010. E tin “ponencianan fuerte, hopi biaha cancan di humor seco y agradabel”. Su prome disertacion na 2005 tabata – contrario na su custumber y contra su hací – ‘un discurso largo’, Verbeet ta corda.

IRRITACION

Recientemente, den un di su ultimo debatenan den Tweede Kamer cu su predecesor Plasterk, por a nota algo di iritacion. Knops a expresa su disgusto cu e actitud cu, manera e tabata mir’é, tabata desinteresá di gabinete Rutte II ora tabata trata di hasimento di invercion den e wardakosta di e islanan.

Durante e ultimo lunanan Knops tabata envolvi cu e negosaionnan pa e gabinete nobo Rutte III, na nomber di su partido CDA. Un vosero di CDA ta bisa cu na e momentunan aki e no por bay den preguntanan tocante e funcion nobo di Knops.

DICON NO UN MINISTER?

Ta pone Secretarionan di Estado riba ministerionan pisa, o sea ministerionan cu mester di atencion special riba cierto area di gobernacion. Un secretario di estado ta sostene e minister, pero e ultimo aki ta keda responsabel pa e maneho. Ambos tin cu duna cuenta y razon na Parlamento.

E echo cu awor no tin un minister so pa Relaionnan di Reino, no ta dje sorprendente ey. Durante gabinete Rutte II Plasterk tabatin su mannan yen caba cu diferente di dossier-nan difícil. Despues di e horcan destructivo Irma esakinan a aumenta so na cantidad.