ATECH conference pa prome biaha cu seccion dedica completamente na hoben

ORANJESTAD - ATECH Conference pa prome biaha cu seccion dedica completamente na hoben. Nan a sa di atrae mas di +600 participante international, local, y tambe studiantenan di skol.

ARCITECTONAN

“Nos hubentud ta e arcitectonan di nos futuro. Nos ta kere den nan y ta importante pa nos invest den nan awe. E generacion aki lo trece nos futuro lidernan, y si ATECH por yuda inspiranan, motivanan y cultiva den nan e espirito di ‘entrepreneurship’ of e balornan importante pa ta exitoso, sigur nos lo haci’e.” Varelie Croes, Co-founder di ATECH ta comenta.

GIRLCODE

Orador Nicole Kelner, fundador di GirlCode cu ta encurasha mucha muher nan desde 9 aña pa programma cu computer (of mihor conoci como “code”), a duna 2 workshop di ‘Coding for Kids’, durante e dianan di ATECH Conference, cu a sa di atrae mas di 20 muchanan entre 8-12 aña cu tabata sumamente entusiasma pa siña code.

ORADORNAN

Un total di 28 orador internacional a sa di deleita fanaticonan di tecnologia como tambe entrepeneurs cu nan conocemento y experiencia den e area aki.Tabata tin opportunidad pa intercambia experencia, ideanan cu otro empresarionan y a socialisa den e mundo di ‘startups’ , stimulando otro, y creando tecnologia nobo y diferente.

FACEBOOK

Si bo no tabata parti di e conferencia e aña aki, bo por volg algun di e presentacionnan ariba ATECH su pagina di facebook: www.facebook.com/ATECH y keda up to date pa loke ta trata un edicion cu ta priminti di bay ta mas grandi, otro aña.