NoticiaCla ta cambia seccion di Hulandes pa Ingles entrante 1 november

ORANJESTAD – Despues di evaluacion, NoticiaCla Productions cu ta e cas di NoticiaCla.com a dicidi cu ta reemplasa e seccion di NoticiaCla Nederlands, cu NoticiaCla English. Esaki lo tuma lugar entrante 1 di november proximo. E demanda pa e parti aki a resulta mas grandi cu esun di Hulandes, aunke cu e seccion tabatin un acogida grandi. Cu e seccion na ingles, NoticiaCla ta sigur cu e lo yega un mercado aun mucho mas grandi di cu e tin caba. Mientras cu ya caba tin avisonan pa e pagina aki, NoticiaCla ta yama bon bini na cualkier otro comerciante cu kier forma parti di e parti aki di e portal. Pa esey por tuma contacto cu sales@noticiacla.com of news@noticiacla.com pa informacion.