Militantenan di ISIS por planea atake di terror den Caribe

MIAMI – Turistanan cu kier pasa nan vacacion riba islanan Caribense, por bira blanco di militantenan di ISIS, oficialnan a alerta. Un grupo grandi di personanan cu ta liga na ISIS, ta procedente di Trinidad & Tobago, y ta un isla cu tin masha problema cu islam den pasado. Comunidad Caribense pa medio di CARICOM ta tumando medida pa evita cu e bringadornan bolbe e isla, pero e menasa por ta imposibel pa verifica.

Ora cu a puntra riba e risico di e miembronan di ISIS bolbiendo Trinidad & Tobago, mayor general Edmund Dillon, minister di seguridad nacional di e isla, a bisa cu no ta cuestion di si ta si, sino ki ora, e militantenan aki lo bolbe pa comete nan actonan.

Rebecca Perring di e corant respeta Britain's Express a raporta e menasa pa turistanan bishitante na Caribe, notando cu Jihadis por biaha entre mayoria di e islanan di Caribe, sin cu nan mester di un visa. Cualkier terorista yegando Bahamas, por te hasta ta un menasa pa Florida.

Segun e Caribbean Crime and Security Implementation Agency (IMPACS), mas di 200 hende di Caribe a biaha pa e estado islamico. Lesa e articulo completo AKI. Foto cortesia Getty.