Whatsapp awor ta lagabo kita mensahe manda, si e tabata ‘robez’

NEW YORK – E plataforma di chat riba telefon cellular whatsapp awor ta brindabo e oportunidad pa kita un mensahe anteriormente manda. E ta dunabo e chens pa ‘reconsidera’ e hecho cu bo a manda un mensahe cu porta bo no kier a manda. E facilidad ta dunabo 7 minuut pa por kita e mensahe aki. Whatsapp a cuminsa activa e posibilidad aki aunke cu no ta tur hende por haci’e ainda. Pa e funciona, tur dos persona, esun cu manda e mensahe y esun cu ricibi e mensahe, mester tin e version nobo operando.

FAYO

E intencion primordial ta pues pa un persona por ‘coregi’ un mensahe cu tabata pues ekiboca. Si esun cu a manda e mensahe no kita esaki dentro di 7 minuut, e no por haci’e mas. Unabez cu e mensahe wordo kita, ambos persona ta haya un notificacion cu ‘e mensahe a wordo kita’. Esaki ta percura pa transparencia, pero mes momento ta crea pregunta di pakico un persona lo a kita e mensahe. Ta teme cu esaki por crea momentonan ‘incomodo’ den p.e. combersacionan den grupo.