Parke solar Stuco na Statia completamente intacto despues di horcan Irma y Maria

ORANJESTAD – E parke solar di e compania ‘STUCO‘ na e isla di St Eustatius (Statia) a keda completamente intacto despues di horcan Irma y Maria. E localidad geografico di St Eustatius ta haci’e vulnerabel pa disaster natural, manera tabata e caso cu horcan Irma cu tabata devastador pa e isla durante e prome siman di september. Un di e poco structuranan cu a sobrevivi e horcan di categoria 5, tabata e parke solar di e compania di electricidad STUCO. Riba 6 di september e horcan di categoria 5 Irma, - sigui pa Maria - , a causa destruccion mayor riba tur e islanan cu tabata riba su curso, incluyendo Merca.

PARKE

E parke a wanta e impacto directo di Irma, sin daño alguno. Ni un rasguño. Bon traha of simplemente suerte? CEO di Stuco, Fred Cuvalay a bisa cu nan ta hopi contento y cu esey ta hopi bon noticia pa energia solar den region. “E planta tabata bek den servicio un dia despues cu e horcan a pasa”. STUCO a firma e contract cu Sunshine Real Estate pa e parti di ingenieria, mantencion y ehecucion di e facilidad. E partnernan di Sunshine pa cu e proyecto ta Eco Energy, SMA and Schletter. E ministerio Hulandes di economia a financia gran parti di e proyecto, hunto cu S STUCO.

Cu e proyecto aki STUCO a embarca riba e ambicion strategico pa conta riba fuentenan di energia sostenibel y ta reduce su dependencia riba combustible fosil. E compania a bisa den un relato di prensa cu e adicion di energia solar na su recursonan mixto, ta contribui na un grid di stabilidad pa medio di un sistema di gestion di energia cu ta sosteni pa bacteria. Segun STUCO, e uzo di energia solar riba e escala aki ta e prome dentro di un industria pa un utilidad Caribense , ya cu e logro aki tambe ta e vision pa hopi otro companianan di utilidad Caribense.

E parti di fase 2 a cuminsa recientemente y lo ta complete den 2 siman. E aña aki Statia lo yega su meta di tin 100% energia electrico renobabel, como e prome isla den Caribe. Fase 1 di e proyecto a gana e premio Inter Solar na 2016 na Alemania pa ta e proyecto mas innovativo di mundo na 2016. Y siman pasa tanto fase 1 y 2 a gana e premio CREFT 2017 na Miami pa miho proyecto di almacenamiento pa 2017.

Despues di numeroso peticion pa asistencia riba e islanan afecta pa e horcannan menciona, un reunion a tuma lugar na Corsou cu tur e partnernan interesa di e consorcio. E construccion, planificacion y ingeneria di e ekiponan, a afirma nan politica di ofrece servicio pa e islanan bisiña afecta pa islanan, pa construe parkenan solar nobo cu ta resisti contra horcannan di categoria 5, uzando e experticio di ingenieria, tecnologia pa sigura cu e por wanta horcan di categoria 5. Pa mas informacion tuma contacto cu terence.lacle@comsea-caribbean.com