ATECH Conference 2017 ta kick-start awe!

ORANJESTAD - Awe ATECH Conference 2017 ta ranca sali cu e prome Break Out Sessions pa asina start e conferencia oficialmente. Despues di lunas di preparacion, por fin awe ta e gran dia unda cu un biaha mas Aruba lo bai experiencia e tech conference di mas grandi den Caribe.

Atech lo trece varios speakers y investors local y internacional manera John Henry di Haarlem Capital, Ryan Peterson di Centrale Bank van Aruba y Melissa Gonzales di The Lionesque Group pa forma parti di ATECH Conference. Lo bay ta un dia sumamente interesante caba demostrando e latest trends den e mundo den marketing, branding, emailing, blogging y mucho mas. Diabierna 27 di oktober lo tuma lugar e “Startup Pitch Competition” cual pa prome biaha, lo tuma lugar ariba e main stage, caminda lo tin varios presentacionnan of mihor conoci como “pitches” pa startups.

Durante e Startup Pitch Competition, publico lo bai presencia e startups selecciona pa presenta nan idea pa convence un panel di expertonan local y internacional pakico nan merece e gran premio di $10.000 pa inverti den nan concepto. E aña aki ATECH a ricibi mas di 100 aplicacion for di rond mundo pa competi den e Startup Pitch Competition. Esaki sigur ta algo cu a surpasa tur expectativa. For di tur e aplicacionnan entrega, a selecta e 10 mihor startups, di cual un startup ta local, y un di nos hermana isla, Corsow.

Dia 27 y 28 por bishita tambe e “Tech Pl>y Ground” unda lo tin oportunidad di experimenta cu entre otro 3D printer, 3D Scanner y mucho mas.

ATECH Conference sigur lo bai ta un evento pa tur esnan cu kier sa kiko ta e ultimo trends den technologia, y kier wordo inspira den ramo di marketing, social media, digital transformation, blockchain, y mucho mas.

Si bo no tin bo ticket ainda, por cumpra esaki desde awe mainta 10:00 na Hilton ora cu cuminsa cu registracion.

Por sigui ATECH aribawww.facebook.com/ATECHConference of por download e app di ATECH riba Apple Store y Google Play gratis.