PDVSA prohibi pa almacena petrolio na Statia debi na debe miyonario

ORANJESTAD – E compania petrolero Venezolano PDVSA a wordo prohibi pa uza un terminal di almacenahe di e compania NuStar Energy, pa almacena nan petrolio. Tur esaki pa motibo di debe di 26 miyon dollar cu e compania Venezolano tin habri cu e compania Mericano. E suspension a bin ora cu PDVSA a faya un pago pa uzo di e facilidad. Asina e agencia di noticia REUTERS ta informa. “Nos no tin cu carga e ‘carga’ aki’ e vice president di NuStar a bisa. E debe ta data di un aña di pagonan mensual, y e acto aki ta mustra con problemanan financiero y legal ta strobando e operacion di e compania Venezolano. E problema ta cu e compania ta provee petrolio pa su clientenan internacional cu ta genera 90% di e entrada di exportacion.

SUSPENSION

E suspension ta bin lunanan despues cu PDVSA e expande su contracto di almacenahe cu NuStar, despues cu nan (PDVSA) a haya problema riba un disputa cu Buckeye Partners riba un facilidad di almacenahe na Bahamas.