Marlin: St Maarten no ta acepta condicion Hulandes pa fondo pa reconstrui e isla

PHILIPSBURG – Premier William Marlin di Sint-Maarten lo no aproba e dos condicionnan cu Hulanda a pone pa por haya fondo pa recontruccion di e isla, despues di e horcan Irma. Marlin a manda minister demisionario Hulandes Plasterk un carta diabierna ultimo. Asina e partner di NoticiaCla, Caribisch Netwerk ta raporta. Hulanda a duna gobierno di St Maarten te 31 di october pa aproba e condicionnan.

CONDICIONAN

E prome condicion ta cu mester fortifica e control di frontera cu ayudo di marechaussee, y e di dos ta implementacion di un camber di integracion, cu algun adaptacion cu no a keda palabra anteriormente. Entre nan kier pa Hulanda tin dos miembro den e ‘camber’. Segun Marlin, e acuerdo actual ya caba ta regla un control comparti di marina Real. “No ta necesario pa tin medida adicional. Gobierno no por aproba pa Hulanda asumi un responsabilidad cu ta di St Maarten” Marlin a bisa. Pa loke ta e parti financiero, Marlin ta acusa Hulanda di no ta specifico den su peticion pa fondo extra. Kier sa kico ta un regalo y kico ta e fianza. Riba e caso di ‘camber di integridad’ a pidi Hulanda mas tempo ya cu no ta keda cla pa 31 di october, mirando e daño ocasiona.

Caribisch Netwerk