Van Putten a ofrece disculpa pa su declaracion contra militarnan

ORANJESTAD – Politico Clyde van Putten a ofrece su disculpa na habitantenan di Sint-Eustatius pa su declaracionan recien papiando di ‘mata y kima militarnan Hulandes si nan bin St Eustatius. E ta bisa cu e ta tuma ful responsabilidad pa su accion, si e meter aparece dilanti emsa berde. Asina Caribisch Netwerk, partner di NoticiaCla ta raporta. Den su lucha pa mas autonoia pa e comunidad Caribense, e parlamentario siman pasa a declara cu kier ‘kima y mata’ militarnan Hulandes den cayanan di Sint-Eustatius’, si Plasterk manda trupanan pa e isla.

“Mi ta kere cu e declaracion cu mi a haci riba ‘mata y kima’, tabata innecesario y censurable. Mi ta kere cu e ta un declaracion cu mi mester distancia mi mes di dje” Van Putten a bisa e siman aki na un radio di e isla. E ta lamenta e declaracion haci fuertemente. “Pa esey mi ta ofrece mi humilde disculpa. E no ta kere si cu e lo retira di su funccion, no obstante hopi reclamo den e direccion ey. E lo sigui bringa pa mas autonomia pa e isla.

PLASTERK

Minister Hulandes demisionario pa asuntonan di Reino Plasterk a declara caba cu e ta haya e declaracionan haci inaceptabel y a entrega un keho siman pasa diabierna contra e parlamentario. NoticiaCla a raporta esaki tambe.

CONTEXTO

Segun e parlamentario van Putten, su declaracionan a wordo saca for di context. E ta duna e culpa na esnan cu tin un agenda politico y pensamento maligno pa hinke den un luz negativo.

Fuente Caribisch Netwerk.