5KM 'Walk & Run' pa Aruba Paralympic Committee

ORANJESTAD - Aruba Aloe y Cool FM ta presenta diasabra awor un tremendo “Walk and Run” di 5 km formando parti di e “Challenge Aruba Endurance Festival”. E Walk and Run lo tuma lugar diasabra 21 di october 2017 saliendo pa 6 or di atardi for di riba e parking lot dilanti di Hyatt Regency Hotel. E Walk and Run ta di e tipo “Fun” unda cu lo tin varios ticket pa New York y Miami cu lo wordo rifa entre e participantenan. Cu esaki naturalmente cada persona por dicidi si nan kier cana of core. E ruta mes lo ta uno hopi atractivo bayendo dirrecion di Eagle Beach cu bistinan sumamente bunita. E lo caba bek dilanti di Hyatt Hotel. Pa registra por pasa na oficina di IBISA, Aruba Aloe su oficina na Hato of online via www.challenge-aruba.com. Tur persona cu registra pa participa lo ricibi un dry-fit t-shirt. E parti mas mihor ta apart di haci un actividad saludabel lo bay entrega un check tambe na Aruba Paralympic Committee pa nan tremendo esfuerso. Tur persona cu a registra caba tin cu busca nan t-shirt diabierna 20 di october entre 5 or y 7 or di anochi na e “Beer Garden” riba parkinglot di Hyatt Regency Hotel. Ademas diasabra anochi despues di e Run and Walk lo sigui cu ambiente musical di N Fuzion, Joyride Band, Dj Vibes y Dj Phat Tunez completamente gratis. Tambe lo tin 7 restaurant presente.