DIMAS cu keho oficial contra website

ORANJESTAD - DIMAS a entrega keho oficial contra un website cu contenido falso y difamatorio circulando. Segun Dimas, mientras cu nan no ta haci mencion di e website, nan ta mustra cu ta circulando algun blogs y websites cu contenido falso y di indole difamatorio. No ta conoci cu ki meta ta haci esaki, pero por observa cu esaki a trece un ola di speculacion. Nan ta mustra tambe cu difamacion y contribucion na campaña di difamacion ambos ta hecho castigabel pa nos leynan penal. Por lo tanto a haci denuncia oficial (penal pa difamacion) na e instancia concerni y tambe a notifica tur otro instancia relevante di e desaroyo negativo aki. DIMAS ta laga esaki den man di autoridadnan hudicial pa sigui investiga.