St Maarten ta haya ayudo di comision Europeo pa reconstruccion

PHILLIPSBURG – St Maarten por conta riba ayudo financiero di comision Europeo. Bruselas ta cla pa pone fondo di Union Europeo cla pa St Maarten, tanto e parti Hulandes como Frances. Asina e presidente di Union Europeo Jean Claude Juncker a bisa e presidente di parlamento Europeo Antonio Tajani den un carta. E hecho cu e parti Hulandes tin un otro structura estatal cu esun Frances, oficialmente no por haci un peticion pa e fondo di solidaridad di Union Europeo. Como tal a purba logra placa for di otro forma. Juncker ta di acuerdo cu ambos pais riba un manera igual por wordo sostene cu e reconstruccion di e isla.

AYUDO HULANDES

Mientras cu Hulanda ta contento cu e ayudo, a mustra cu e parti Hulandes tambe ta importante, aunke cu Hulanda kier garantia di St Maarten cu e placa ta wordo usa corectamente y no ta atrae criminalidad. Esey a bira un problema ya cu e condicionan poni pa Hulanda yuda St Maarten, a keda rechasa pa e gobierno di e isla. Esey a pone cu Hulanda ta purbando di usa articulo 51 awor, pa impone e ayudo condiciona pa toch yuda e isla.