Hulanda definitivamente no ta den mundial futbol 2018

AMSTERDAM - Pa di dos biaha, Hulanda no ta logra clasifica pa un mundial di futbol. Aunke cu nan a gana nan ultimo wega awe contra Suecia cu score di 2-0, nan ta keda afo. Esaki pasobra nan tabatin mester di a gana cu un score di por lo menos 7-0 pa por tabatin un chens ainda pa bay un playoff. Cu e resultado di e wega di awe, definitivamente Hulanda ta keda for di e mundial, cu a causa un ola di reaccion internacional, incluyendo Aruba. Hopi ta pensa cu sin Hulanda den e mundial, cu e lo ta un mundial 'comercialmente' laf. Otronan ta kere cu mirando cu Brazil ta aden ainda, esey ta 'scapa' e ambiente toch. Ta conoci cu durante mundial, e establecimentonan Hulandes ta bay 'all out' y ta crea ambiente extra durante e periodo aki. Esey no lo ta e caso e biaha aki.