128 hoben di paisnan den Reino Hulandes den Koninkrijkstoernooi na Corsou

WILLEMSTAD - 128 hoben di paisnan den reino Hulandes, lo topa otro e siman aki na Korsow pa un encuentro deportivo ariba tres diferente ramo, pa loke ta trata e di dos Koninkrijkstoernooi. Aña pasa, esta 2016 e prome Koninkrijkstoernooi a tuma lugar na Aruba cu participacion di mas o menos 130 hoben, cu a competi contra otro den e ramo di futbol, beisbol y tambe basketball. E anja aki e turno ta na pais Korsow pa ta e pais anfitrion di esaki.

Mas o menos dos anja pasa, esta na 2015 minister di husticia Arthur Dowers a cuminsa cu un projecto cu a hiba e nomber “futuro ta den bo man”. Un projecto cu ta hiba e linea di pensamento cu e hobennan ta practica deporte sanamente y asina ta aleha esaki nan for di cosnan negativo. Como tal, e projecto aki a wordo carga tambe pa ministerio di husticia y seguridad Hulandes y tambe pa ministerio di husticia di Korsow y tambe esun di Sint Maarten. Pesey mes cu anja pasa, esta na 2016, Aruba tawata e prome cede pa e asina yama Koninkrijkstoernooi tuma lugar.