Partnernan di coalicion Hulandes a presenta acuerdo di gobernacion

DEN HAAG – Partnernan di coalicion nobo Hulandes VVD, CDA, D66 y ChristenUnie a presenta nan acuerdo di gobernacion awe mainta na Hulanda. Pero manera cu media Hulandes ta raporta, esey no ta nifica cu tin un gobierno ainda. Esey e corant Telegraaf ta raporta awe mainta. Segun e corant, e formacion di gobierno ta cuminsa realmente diahuebs ora cu e actual premier Mark Rutte haya e tarea di formador.

DEBATE

Prome ta sigui un debate den Tweede Kamer riba e plannan di e coalicion nobo. Na final, mayoria lo apunta Rutte como e formador pa e por forma su di tres gabinete. E formacion mester consisti di 16 minister y 8 secretario di estado. Diabierna e ta reuni cu e participantenan, y un siman lo mester tin un lista final di esnan cu lo haya e respectivo posicionnan. E ora lo sigui combersacion cu e candidatonan. Ta premira cu pa 25 di October lo tin e prome reunion di e candidatonan pa minister, y un dia despues Rey Willem Alexander por huramenta e gabinete y nan aparece riba ‘e bordes’. Lesa e acuerdo di gobernacion AKI.