Bermudez ta lamenta confusion eroneo crea riba situacion financiero Aruba

ORANJESTAD – Minister demisionario di Finanza Angel Bermudez ta lamenta expresionnan haci dialuna atardi pa lider di partido POR Otmar Oduber, riba e hecho cu gobierno no tin placa y purbando di saca placa tur caminda unda cu por. Asina el a declara den e programa NoticiaCLa LIVE riba pagina di Facebook di e portal aki. Bermudez ta yama esaki manipulacion di cifra y estadistica, for di tempo di eleccion. “Mi no ta bay reacciona riba esey pasobra mi tin miho cos pa haci. Pero mi ta lamenta e confusion cu ta wordo crea” Bermudez a bisa. A sigura cu caha di gobierno no ta bashi. Sigur no den e ultimo tres aña. E mandatario ta sigura cu esey ta conta pa e resto di e aña aki tambe. E no sa unda Oduber ta saca su informacion, pero cu esaki sigur no ta berdad.