Avion airbus di KLM for di Aruba desvia pa Irlanda

ORANJESTAD/ AMSTERDAM – Un avion tipo airbus A330-200 di KLM (buelo KL 765) cu a sali for di Aruba y pasa Bonaire cu 221 pasahero abordo rumbo pa Schiphol, mester a desvia pa e ciudad irlandes Shannon. “Tabatin problemanan tecnico cu ta wordo investiga aworaki. Tur pasahero ta wordo busca cu un otro avion awe mes y ta wordo transporta awe mes pa Amsterdam” segun un fuente di KLM a bisa. Ningun pasahero tabata na peliger, pero no por bisa kico e motibo di e problema tecnico tabata. No por bisa tampoco si tabatin pasahero Rubiano abordo di e avion.