Informador Swaen a entrega su rapport na Gobernador Boekhoudt

ORANJESTAD –Manera cu NoticiaCla a raporta anteriormente, informador Arie Swaen a entrega su rapport na Gobernador Alfonso Boekhoudt diabierna atardi, riba formacion di un gabinete nobo. Swaen a bisa despues cu e no ta na altura si Gobernador ta considera esaki e rapport final, of no. Ta depende di esey si su funcion como informador ta termina of no. A mustra cu ta basta informacion Gobernador a ricibi di Swaen y su secretaria apunta pa e trabou aki, Hellen van der Wal. Awor ta keda na Gobernador Boekhoudt pa dicidi e siguiente trayecto. Esey ainda no ta conoci.