Di tres Opendag na Corte di Husticia diasabra awor

ORANJESTAD – Corte di prome instancia na Aruba ta tene su di tres Opendag diasabra awor. For di 9’or di mainta te 1’or di merdia tin actividad pa grandi y chikito. Bishitantenan lo por haya diferente presentacion den e salanan di corte. Tin e cachonan di K9 tambe cu lo laga mustra nan calidad. Cuerpo Especial Arubano y Mobiele Eenheid lo duna demostracion tambe di nan capacidad. Pa e chikito nan, lo tin e Dino Jump y tur hende por saca potret den e ‘photo booth’. 

MESA RONDO

Mando di Corte lo probecha di e oportunidad pa tene un mesa rondo cu prensa. E meta di e combersacion ta pa tin un miho bista riba e tarea di prensa y Hof, tin un bista riba e posibilidadnan pa mehora e contactonan.