Hopi mucha conscientisa durante Dog Wash di Animal Care Clinic y Kids@ work

ORANJESTAD - E dog wash di diaranson di Animal Care Clinic y Kids @work riba dia di bestia tabata un gran exito. Asina e propietario Natalie Booi a sigura NoticiaCla. “Nos a haña hopi hende cu a trece nan mascota. Un win win pa tur”. Un total di 35 cacho a wordo verwend y hopi doño cu a haci un extra donacion apesar di trece nan mascota. Tur mucha a haci nan best y a enjoy nan mes masha hopi mes. Y last but not least e mascota nan a enjoy na pamper afternoon na Animal Care Clinic. Tur a comporta super bon. Despues di nan baño tur mascota a bay cas cu un treat. “ Un energia super positivo muchanan contento y entusiasma” Booi a sigui bisa. E atardi di educacion y conscientisacion tabata super exitoso. Un actividad pa ripiti sigur!! Un danki na Kids @work nan team di leidsters y tur mucha y full e team di Animal Care Clinic cu a haci un tremendo trabou.