Wever: Informador a presenta carta cu buraco di casi 200 miyon florin

ORANJESTAD – Despues di e ultimo reunion cu partido MEP tabatin cu informador Arie Swaen awe, a bin haya sa cu ‘tin un buraco financiero di casi 200 miyon florin’ cu e gobierno nobo tin cu bay atende cu ne. Un carta di director di departamento di finanzas di dos pagina ta haci e mencion di un buraco di 195 miyon florin cu tin riba e concepto di presupuesto 2018.

DIFERENCIA

Segun director di Finanzas, e suma ta consisti di cuater factor cu e ta splica tambe den e carta. Ta entre otro 50 miyon den e ‘tekortnorm’ di 0.5% deficit pa 0.5% surplus, un aumento di 42 miyon den gasto, grandemente responsabel pa e.o. proyectonan PPP, subsidio di AZV, aumento di 7 miyon den gasto di personal. Tambe tin e falta di 67 miyon di e suma cu ainda gobierno no a ricibi di e benta di Valero di e benta di FMSA (operacion di gasoline) y e di dos tranche di e benta. Finalmente un caida den 29 miyon na entrada di gobierno. Grandemente esaki ta di entre otro medionan no presupuestable manera dividendo y entrada di douane. Pa por logra e norma ainda pa presupuesto 2018, segun e director, ta keda awor na e gobierno nobo pa tuma e medidanan necesario. Ta haci mencion entre otro di aumento di entrada y reduccion di gasto. Ta papia di un mehoracion di e compliance y pa e reduccion di gasto, por papia di e.o. refinanciamento cu ayudo di gobierno di Reino pa haya interes abou.

GOBERNABEL

Croes a mustra cu mientras cu e noticia aki ta cambia nan plan un poco, e no ta stroba e intencion di goberna. A puntra Wever si esaki ta nifica implementa medida, e lider di partido heel a bisa cu no necesariamente.