Keldernan ‘afgekeurd’ na Santana Playa!

ORANJESTAD - No por haci uso di e multi keldernan pa dera ningun defunto na Santana di Playa. Departamento di Salud Publico a keur af e keldernan aki. Como tal Comision di Santana di Playa kier informa comunidad di Aruba en general y specialmente esnan cu tin un ser keri dera den Santana na Playa pa noord (Santana cu tin E kapel den dje), pa pasa na oficina di Pastorie diahuebs di 5:30 P.M. – 6:30 P.M. pa regla y pa haya informacion di e keldernan cu ta afgekeurd. Lo cuminsa drecha Multi Kelder A, situa banda pariba di Kapel, pesey ta di suma importancia pa esnan cu tin un familiar dera den Multi kelder A, pa pasa mas pronto cu ta posibel na oficina. Nos ta habri tur diahuebs di 5:30 P.M. – 6:30 P.M. Alabes a haci un apelacion pa tur esnan cu tin un ser keri dera den Santana na Playa y cu ainda no a registra nan graf of kelder pa pasa oficina pa registra. No warda te na ultimo momento pa pasa registra 

graf of kelder.