Rotary Club of Aruba a participa den beach clean up

ORANJESTAD - Riba diadomingo 1 di october 2017 Aruba Reef Care Foundation a organisa su proyecto di beach clean up. E aña aki Rotary Club of Aruba atrobe a forma parti di esaki hunto cu su partner clubs, Rotaract Club of Aruba, Interact Club of Aruba di Schakel College y otro boluntarionan. Rotary Club of Aruba a scoge pa haci “Bachelor’s Beach” limpi. A yena dos truck bon grandi cu saconan di sushi yena cu plastic y otro material sushi cu a wordo recogi riba e beach.

Rotary Club of Aruba kier a gradici tur e miembronan di Rotary Club of Aruba, Rotaract Club of Aruba y Interact Club of Aruba y tur otro boluntarionan cu a bin yuda cu e beach clean up. Un danki na Garage Cordia Aruba N.V. cu a pone dos trucks disponibel pa e diadomingo aki. Rotary Club of Aruba kier a duna un danki specialmente na Aruba Reef Care Foundation cu ta organisa proyectonan valioso pa asina cuida nos beachnan.