Aruba Airlines ta cla pa conecta e islanan ABC

ORANJESTAD – Aruba Airlines a confirma e noticia di NoticiaCla di algun siman pasa, anunciando cu nan ta bay cuminsa bula bek pa e.o. Corsou. Despues di un espera largo, cu un gran demanda di e viaheronan e compania Aruba Airlines ta anunciando regreso di su vuelonan ARUBA - CURACAO - ARUBA cuminsando entrante 23 october operando 2 vuelo diario cu excepcion di diamars y diahuebs cu lo tin vuelonan adicional den ora nan di merdia tambe.

Aruba Airlines lo ta operando cu un Avion tipo Q300 (DH8-300) completamente nobo y moderno cu asiento nan di cuero y e body parti pafo lo ta full na color nan di Aruba Airlines mescos cu e Airbus A-320.

E avion aki tin un capacidad di 50 asiento completamente clase economico unda bo lo sinti bo mes sinta comodamente manera un pasajero den busyness class.

Pa mas informacion of reservacion entrante awe caba por jama libremente na 583- 8300 of pasa personalmente na Cumana # 69 (ex codemsa building ) como tambe na nos oficina na aeropuerto.

Horario di oficina na Cumana ta di dialuna pa diabierna 08:00 AM - 17:00 PM y e oficina na aeropuerto ta habri tur dia incluyendo fin di siman di 08:00 AM - 17:00 PM.

Aruba Airlines ta gradici e comunidad pa hasi uzo di nos vuelonan y awo tambe cu e destinacion nobo di Corsou y proximamente e isla di flamingo Bonaire.