Companianan a entrega bid pa renoba Piscina Rolly Bislik

Posted on 10/1/2017 6:34 pm AST | Updated on 10/1/2017 10:04 pm AST

ORANJESTAD - Comision di Piscina Rolly Bislik y Piscina San Nicolas a reuni cu Notario Yarzagaray, Fundacion Facilidadnan Deportivo (FFD) y companianan cu a bid pa haci e renobacion riba Piscina Rolly Bislik. E companianan a entrega e documentonan necesario, pero tambe a entrega nan proposicion di ehecuta e proyecto aki. Representante di Notario Yarzagaray a controla tur papel ta na ordo di e 5 companianan cu a bid.

Miembro di directiva di piscina di Rolly Bislik y Piscina San Nicolas, Gerald Franca a splica cu nan a entrega e trabou di e destaho publico na Ing. Juni Tromp, kende ta encarga cu FFD. Ela hiba e trabou cerca ACE Engineering, cu na su turno a haci analisis di e trabounan cu mester haci riba e facilidad. Desde aña pasa e comision a ricibi tur specificacion for di WEB y di e compania cu a traha e proyecto pa nan. A base di esey ACE Consultant a traha e peticion pa mira kico mester haci riba e piscinanan.

E piscinanan tin di ricibi nan mantenemento, pasobra e tempo necesario a pasa y tin cierto trabounan cu mester haci den e pomphuis, riba e tuberianan. Tambe tin cu bin extra trabou eyden y haci esaki un tiki mas competitivo. E pool mester keda na nivel di FINA, esta Federacion Internacional di Landamento.

Awor cu e companianan interesa a entrega nan proposicion diamars mainta den e destaho, lo mester studia e bidnan debidamente y lo haci esaki den presencia di notario y ACE Engineering. Nan lo mester tuma e decision final pa asina financia e proyecto y completa mas pronto posibel. Tin hopi peticion local como internacional ta drentando, pero tambe di e area di Caribe pa competencianan. Pe motibo aki e comision di piscina mester cumpli cu tur rekisito cu nan ta exigi. “Nos ta contento cu e trabou haci y mare nan por cuminsa mañan mes”, Gerald Franca a indica.

E compania ACE Engineering ta encarga pa supervisa e destaho di 5 compania y diamars mainta tabatin e destaho publico pe piscina olimpico. Consulting Engineer di ACE Engineering, Reigène Geerman a splica cu nan a haci e prome “scope of work”, cual ta e parti tecnico di dje. Hunto cu esey a bin e parti di destaho publico y e notario publicamente a habri e biddingnan di e companianan cu a participa. Awo cu nan a ricibi tur papel, unda cu nan lo sinta na mesa pa evalua tur proposicion. Aki lo mira riba e parti tecnico y economico, pa asina mira cua ta esun mas visibel y optimal pa FFD.

E companianan cu a entrega bid ta Crystel Pool Services N.V., Mack’s Total Quality Services N.V., Emeco Aruba N.V., C&D Consultant & Development N.V. y Willy’s Pool Services & Supplies N.V. ACE Engineering ta premira cu e proceso di trabou ehecuta lo dura 6 pa 8 luna. Pa loke ta e proceso di evaluacion, ta premira cu esaki lo dura entre 2 pa 3 siman pa por tuma un decision final.

  • Aruba Karate Bond na e ‘4th Caribbean Karate Championship Curaçao 2018’

    Aruba Karate Bond na e ‘4th Caribbean Karate Championship Curaçao 2018’

    ORANJESTAD – Diaranson ultimo e seleccion di Aruba Karate Bond a sali pa Corsou pa participa na e ‘4th Caribbean Karate Championship Curac?ao 2018’. E seleccion di Aruba Karate Bond ta consisti di 6 atleta en total, cualnan ta Maresha Tromp, Janilaine Bello, Silvana Agudelo, Kevan Prada, Alejandro Gonzalez Lujan y Kevin Lugo.

  • Aruba Soccer Academy Summer Camp Cu Andre Ooijer

    Aruba Soccer Academy Summer Camp Cu Andre Ooijer

    ORANJESTAD - Despues di e popularidad di e Benu-Sparta-ASA Soccer Camp na April 2018, awor Aruba Soccer Academy su tercer edishon di Summer Camp, hunto cu guest coach Andre Ooijer a clausura como un exito rotundo! Andre Ooijer ta un hungado conosi na Hulanda, cu a train bow guia di e Ajax su jeugdopleiding. Den su prome añanan como hungador professional, Andre a hunga defensa pa FC Volendam y Roda JC. Despues Andre a hunga den Eredivisie cu PSV. Andre a disfruta di hunga internashonalmente tambe na Inglaterra pa Blackburn Rovers, pa despues firma back cu Ajax.

  • Francia ta gana Croatia y titula campeon mundial futbol 2018

    Francia ta gana Croatia y titula campeon mundial futbol 2018

    MOSCOW – Ganando di Croatia cu e score di 4-2, Francia a titula campeon di Copa Mundial di futbol 2018 diadomingo den stadion Luzhniki. E wega tabatin tur ingrediente di un final di un mundial. Goalnan tremendo, auto goal, penalty y mas. Francia a hinca e prome goal pero Croatia a impata esaki. Cu un penalty (debi na handsball di Croatia cu a keda confirma pa via di sistema tecnologico), e wega a bira 2-1. A sigui dos goal mas di Francia y den un hugada cu a sorprende e arkero di Francia, Croatia a hinca su di dos goal. Den un awacero torencial despues di wega, e ekiponan a ricibi nan respectivo trofeonan.

  • Aruba Campeon Latino Americano 2018 Junior League

    Aruba Campeon Latino Americano 2018 Junior League

    STA CRUZ – E ekipo di Aruba 1 den Junior League a titula campeon diadomingo marduga despues di un wega maratonico, ganando di Panama cu un score di 15 - 4 den di 10 inning. E wega a bira interesante na di 7 inning pa Aruba ora cu e la logra empata e wega na 4. E wega no a bay sin problema ora cu empire a saca un hungador di wega pa motibo di posibel agresion, ora un hungador di Panama lo a slide na primera base cu intencion di leciona un hungador di Aruba. Despues a saca e manager di Panama cu tambe tabata haci fastioso. E campeonato a cuminsa dia 6 di juli te cu 15 di juli. Potret cortesia Telearuba. 

  • Ronneke Kats ta representa Fundacion Zinnia na 4 Daagse Nijmegen 2018

    Ronneke Kats ta representa Fundacion Zinnia na 4 Daagse Nijmegen 2018

    ORANJESTAD - Ya ta hopi aña caba cu varios Arubiano a y ta participa na e famoso caminata aki y e aña aki no ta un excepcion. Fundacion Zinnia, representa pa señora Ronneke Kats, ta cla pa ranca sali na e 4 dia di caminata aki, unda cu tin miles di participante tambe. E di 102 Vierdaagse ta cuminsa dia 17 di juli y ta termina dia 20 di juli 2018 y lo ta consisti di varios ruta den e bunita ciudad yena di mata grandi, Waalstad.

  • Team Aruba ta titula campeon overall di CCCAN 2018

    Team Aruba ta titula campeon overall di CCCAN 2018

    ORANJESTAD - Un palabra di pabien ta bay pa nos seleccionnan di landamento, landamento artistico y Open Water cu a logra e prome lugar overall den e CCCAN 2018. Recientemente Aruba a host un di e campeonatonan mas grandi den nos region cu ta e Central American and Caribbean Amateur Swimming Confederation(CCCAN). Durante 12 dia largo 479 atleta for di 24 pais a competi contra di otro den e tres disciplinanan di landamento cu ta landamento artistico, landamento y Open Water.

  • Powered by SETAR