Cruz Cora Aruba a transporta cantidad di material pa St Maarten

ORANJESTAD− Cruz Cora Aruba kier gradici un y tur cu den e ultimo tres siman a organiza eventonan pa colecta producto of simplemente a yega mesora cu donacion pa yuda Cruz Cora yuda St. Maarten. Cu ayudo di henter comunidad di Aruba, service clubs, organizacionan, instancianan, skolnan, wholesalers, hotels, supermercadonan, restaurantnan y otro companianan, Cruz Cora Aruba por a manda te cu awor lo siguiente:

14 di September:                   2000 kilo na lona, pampers, awa, cots, cuminda

15 di September:                   5 pallet di awa y 3 pick-up pa por mobilisa y yuda cu

distribucion na St. Maarten

18 di September:                   101 caha di 10 kilo di cuminda

28 di September:          1 container cu 20 pallet di awa

                                    1 container cu 10 pallet di awa, 2 pallet di voedselpakket,

                                             2 pallet di pampers pa adulto, 2 pallet di pampers pa

                                             Baby, 2 pallet di comestibles mixed, 1 pallet di aroz,

                                             1 pallet di Ensure, 50 bulto di papel di wc.

                                    1 container cu 12 pallet di voedselpakket (40 pa pallet),

                                             1 pallet di awa, 1 pallet di aroz, 1 pallet di keeshi di

                                             Botter, 1 pallet di kits di productonan hygienico,

                                             2 pallet di babyfood, 1 pallet di paketenan pa baby,

                                             1 pallet di pampers, 75 stroller, 2 car seat, 11 bulto

                                             di forki, cuchiu y cuchara di plastic,

                                             11 caha di maandverband, 3 bulto di papel di wc, 30

                                             Caha di tayo di foam.

Cruz Cora Aruba mes lo ricibi e cargacion aki na St. Maarten y lo zorg pa distribucion. E weekend aki tin otro grupo di 12 voluntario cu lo ta biahando pa St. Maarten y lo sigui cu e trabou di Team 4.

Cruz Cora Aruba kier anuncia di e forma aki cu ta ricibi donacion di producto te cu:

DIARANZON, 4 DI OKTOBER

Despues di e fecha aki, por sigui haci un donacion riba e cuentanan di banco di emergencia special pa yuda cu tur trabou y material na St. Maarten:

Aruba Bank # 038.401.0390

Caribbean Mercantile Bank # 641.733.07

Na mes momento, kier gradici tur voluntario di Cruz Cora Aruba, Jeugd Rode Kruis y Grupo Scout Jan Lobrechtcu a traha dia y anochinan largo pa tur e simanan aki pa mantene nos portanan habri te anochi laat, ricibi donacion den warehouse, sorteer, paketa y load den container. Tambe companianan cu a yuda haci tur esaki posibel: GP Cargo, Bohama, Bon Bini Cargo y King Ocean.