Wyatt Ras: ‘Yoramento’ di 2 parlamentario cerca Gobernador tabata laf

ORANJESTAD – Presidente di Parlamento Mervin Wyatt-Ras ta considera e forma di proceder di Bikker como hurista y Lopez-Tromp pa core bay yora cerca gobernador como laf y fuera di lugar. E ta referi na e carta di Bikker y Lopez Tromp a base di un invitacion cu el a manda pa un reunion publico pa trata leynan cu ta pendiente dia 28 di september, cu segun e por ser considera como “lopende zaken”.

LEYNAN

Tin un di e leynan cu ta data ya di un gobernacion anterior, esta e ley di catochi. E otro ley di “deurwaarder” ta un ley cu tin un blanco verslag, locual ta ensera cu no tabatin ningun pregunta ariba dicho ley y e ta cla pa trata. E di tercer ley cu ta pendiente pa trata ta esun di Functiehuis, cual ta un ley cu maestronan di skol tabata spera su tratamento y dor di priordad promer cu eleccion y tempo limita no a yega pa trata esaki.

Wyatt-Ras a cancela e reunion yama dor di ausencia di un minister.

CONTRA LEY

Segun Bikker y Lopez-Tromp e presidente ta actua contra di ley y cu e no lo por yama e gobierno demisionario pa reunion. Segun Wyatt- Ras Juridicamente un gobierno demisionario por actua y tin cu sigui haci su trabou te ora e otro gobierno sinta.