Minister Croes: Doño di Amazonia lo pidi faillisement

ORANJESTAD – E doño di Amazonia Restaurant lo pidi faillisement serca un huez. Esaki NoticiaCla.com a compronde for di minister di labor Paul Croes diamars. “Pues eventualmente lo yega na un benoeming di un curator ha handle e zaak af” Croes a sigui bisa. Esey no ta kita afo segun Croes, cu e director (doño) ta dispuesto pa yega na areglo pa paga tur trahadonan locual nan tin derecho riba dje. Mientras cu e no wak esaki sosode, e ta tene su reserva pa cu e actuacion di e doño.

Segun Croes, ta berdad cu e tabata hopi disgusta den e forma con e doño actual a trata e situacion. Tabata dialuna siman pasa cu e trahadonan a bin traha y a bin haya e lugar completamente sera. Eynan nan a bin compronde cu e lugar a sera y cu no tin trabou mas pa nan eynan. Loke cu e mandatario ta disgusta cune segun e la bisa NoticiaCla.com. “E forma con a informa (of juis no informa) e trahadonan no tabata conforme e procedura” Croes a bisa NoticiaCla.com. Pues tanten cu e doño no tuma e pasonan cu e la priminti, Croes su pensamento no ta cambia. “Mi mester mira esaki sosode”.

Loke tambe Croes a bisa ta cu e doño (Tim Smith), ta cu e ta haciendo esfuerso pa ubica e trahadonan den otro restaurant y of hotel. “Departamento di Labor ta monitor e caso aki di serca” Croes a bisa, pa sigura cu e trahadonan no keda perhudica. Mes momento Croes ta sigura NoticiaCla.com cu dado caso e doño cumpli cu e loke e la bisa, cu Croes ta willing pa papia cu banconan local pa nan tin poco comprension cu e situacion. “Mescos cu tempo di Valero” Croes a sigui bisa. Y finalmente, Croes ta bisa cu e ta sinti si cu e doño ta desea di yega na un manera mas miho pa caba cu e caso aki. “Termina esaki den un forma menos doloroso posibel” ta loke e doño a bisa Croes finalmente.

Ta diabierna ultimo minister Croes a reuni cu e trahadonan na bestuurskantoor y a splica nan kico e por haci y mes momento a scucha e trahadonan nan problema y loke a pasa exactamente.