Parlamentarionan ta cuestiona reunion yama pa presidente di Parlamento

ORANJESTAD – Dos miembro di parlamento, Andin Bikker y Marisolo Lopez Tromp ta cuestiona un reunion yama pa presidente di Parlamento e siman aki. Tabata diaranson den oranan di atardi cu e dos como parlamentarionan a ricibi un ‘oproep’ pa reunion for di presidente di Parlamento cu mester keda trata diahuebs mainta. Segun e parlamentarionan, e reunion aki e parlamentarionan no ta kere ta na su luga pa keda yama na e momentonan aki. 

BIKKER

Segun Bikker den su experiencia como parlamentario e no ta corda cu e por a experiencia cu un gobierno cu a entrega su retiro y cu ta demisionario ta yama reunion pa trata un ley cu tabata riba agenda prome cu eleccion y despues a dicidi cu ta yama e reunion den e periodo di transicion. Alaves presidente di parlamento a core pone dos otro ley acerca pa keda trata den e momentonan aki mientras cu e gobierno ta bay cas debi cu e pueblo a rechasa e gobierno di AVP y e mayoria den parlamento. Segun Bikker, un gobierno cu siman pasa a entrega su retiro y cu ta actualmente demisionario practicamente no por haci nada cu solamente tipo di casonan cu ta andando (Lopende zaken). E minister ta tribi di bay drenta den debate y claim di ta autorisa pa pasa leynan cu mester keda pa e proximo gobernacion. 

CANCELA

Aunke cu Presidente di parlamento den oranan laat a dicidi di para e reunionnan bek, Bikker y  Lopez Tromp ta kere cu ta na su luga cu gobernador ricibi un carta mirando kico ta loke presidente di parlamento ta tratando di haci y hinca Aruba den dje. 

REGALO

Tambe hunto cu e carta a bay diferente documento cu pruebanan concreto y tambe cu prueba cu e gobierno di AVP den su despedida ta reglando cosnan pa personanan hopi cerca di nan (Friends and Family) cu tambe ta un situacion cu ta di desaproba na e momentonan aki. 

INACEPTABEL

Parlamentario  Lopez Tromp ta kere cu e situacion cu gobierno di AVP ta hinca e pueblo di Aruba aden ta inaceptabel. Banda di e carta cu a keda entrega na gobernador tambe a notifica gobernador di e diferente decisionnan cu cierto mandatarionan ta tumando y cu tin un embergadura financiero y ta tambe ta contra ley caminda cu tin minister cu na e momentonan aki tin hasta e curashi di pasa aktenan di zonanan cu ta proteha y den pura prome cu e gobierno baha. Ta pasa e terenonan di pueblo pa hendenan hopi cerca di nan y alabes ta trapa riba nos leynan vigente di zonificacion teritorial.