Elmar: Consumo coriente mas halto cu normal durante temporada horcan

ORANJESTAD - Den e lunanan di horcan a bira hopi calor na Aruba y N.V. Elmar a tuma nota di e situacion aki. Esaki ta debi cu e horcannan den region ta bay cu e biento, mientras cu e solo ta keda mas fuerte cu e biento cu tin cu e calor.

Como consecuencia esaki a bin cu ne pe lunanan di augustus y september, unda cu tabata hopi calor y door di esaki hopi hende a haci mas uzo di airco. Ta importante pa sa cu un airco den un ambiente calor ta gasta mas coriente cu ora e temperatura ta menos. Un airco cu ta traha 24 ora, ta haci uzo di mas coriente cu un airco cu ta traha 8 pa 10 ora so. Riba e recibonan di luna di juli N.V. Elmar a tuma nota cu hopi hende a uza mas coriente cu normal. Nos di N.V. Elmar ta premira cu pa augustus y september esaki ta bay ta mas. N.V. Elmar kier a informa pueblo pa tene cuenta cu e temperatura ta hunga un rol grandi den e consumo di coriente y pa uza esaki mas eficiente cu ta posibel.