Tension na Dimas pa futuro di contractantnan

ORANJESTAD - Na DIMAS tin un situacion tenso relaciona cu supuesto inseguridad laboral pa un grupo di persona conoci como contractant. Nan futuro empleo ta insigur segun nan, y ta purbando pa haya claridad basa riba promesanan haci pa minister Sevinger. For di e directora Kathy Ruiz Paskel, NoticiaCla a compronde cu na DIMAS tin diferente hende trahando riba contractbasis cu gobierno. Mas of menos un 30% di e personal trahando na DIMAS ta contractant. E personanan aki - den su mayoria - a ser tuma "voor de regeringsperiode". Di un grupo di 28 persona pues un total di 19 di nan tin un contract cu ta vense 31 oktober 2017. E sobra di 9 nan contrato lo a vense den 2018. 

Recientemente (luna di augustus) Minister Sevinger a pasa un decision den Ministerraad unda cu a keda aproba cu tur e contratonan aki ta ser "renoba" cu un periodo di 4 aña adicional. E personal no a haya e contrato nobo ainda pa firma. No ta trata di un landsbesluit. E sentido di incertidumbre ta desde ayera bou e personal y unda cu nan ta pidiendo for di DIMAS of DRH un siguransa cu e desicion di Ministerraad tuma augustus ultimo lo ser honra. Tambe ta pidi atencion pa e dianan di vakantie cu tin acumula y no tuma. DIMAS a sinta cu sindicatonan (SEPPA y TOPA) awe y a splicanan kico ta ultimo desaroyonan na DIMAS y tambe a informanan di e situacion cu e contractanten cu ta trahando na DIMAS. DIMAS a pidi DRH un conseho con pa mihor procede bou di e circumstancianan.

" Conseho cu nos a ricibi di parti DRH ta pa nos laga e personal tuma vakantiedagen cu tin ainda tegoed y acumula bou di e contrato actual, pa evita cu por ser "perdi". Mayoria no tin mucho dia over, dor cu a uza esakinan den e vakantieplanning di e aña caba. Mi no a forsa ningun hende pa tuma vakantie, pero si mi mester a cumpli cu un deber di informanan cu esey ta e conseho di DRH." Ruiz a finalisa bisando.