Homber piscando, ta cay foi baranca na Dos Playa y fayece

ORANJESTAD - Un homber a cay for di baranca na Dos Playa y muri. Tabata dialuna anochi pa 9:40 central di polis a haya un jamada bisando cu un persona a cai for di baranca na altura di Dos Playa. Central a manda un patruya di biaha y a notifica brandweer , ambulance , kustwacht y esun encarga cu parke Arikok. Na yegada di e patruya e testigonan ta conta cu nan tabata piscando na baranca y un di nan amigo a slip y cai den laman. No por a wak e mas y nan a bati alarma di biaha. Brandweer y kustwacht a busca, y despues di basta rato a bin topa cu e curpa sin bida na Dos Playa chikito.  Pa 1:15  di diamars madruga dr Texier a constata morto di Angelo K. Croes naci na Aruba 28  augustus 1989  y biba na hooiberg. Cuerpo Policial y NoticiaCla ta manda palabra di condolencia na famia di e fayecido.