Polis deteni pa caso domestico

ORANJESTAD -Diamars marduga, polis a detene un miembro di nan organisacion, e Polis di inicial F.P. cu ta traha den e districto di San Nicolas. E investigacion andando no tin nada di haber cu su trabou of funcionamento como un polis, sino un asunto domestico. Segun mando policial ta considera cu pa bon di e investigacion andando, cu ta miho pa e polis ta suspendi y no ta trahando. Den cuadro di e mesun investigacion, ta dificil pa por suministra mas informacion awor aki. A informa tambe cu ta tratando e caso aki cu mesun seriedad cu tur otro. Pues no ta pasobra un persona ta un polis, cu e ta haya un trato diferente. Problema ta cu ora cu ta trata di un polis, tin cu haci esfuerso si pa mantene e integridad di e cuerpo na halto.