STA: Accion di trahadornan Elmar lo no significa blackout

ORANJESTAD – E hecho cu trahadornan di Elmar probablemente lo pone trabou abou diamars mainta pa 2 ora, no ta significa cu lo pone e compania plat den sentido cu ta bay laga e pueblo sin coriente. Asina e presidente di e sindicato STA, Diego de Cuba a splica NoticiaCla dialuna. E noticia cu a plama cu ta bisa cu Elmar lo ta plat diamars, a pone hopi hende preocupa y kere cu lo kita coriente. Pero esey no ta e intencion di e trahadornan. “Absolutamente cu no” de Cuba a sigui bisa. E intencion ta pa pone e director na ‘su tino’ pasobra e no kier reconoce e sindicato y su delegadonan. “Esey tin e trahadornan indigna”.

CARTA

E presidente a bisa cu a manda un carta pa mediado di gobierno Anselmo Pontilius, prome cu un reunion cu tabata planea. Sinembargo, segun e compania, e sindicato no a presenta. Segun de Cuba, a pidi mediador pa interveni, prome cu bay corte eventualmente. Segun de Cuba, e director kier bin cu sindicato UEA na mesa, siendo cu e no tin nada di haber cu e trahadonan ya cu STA ta representa e trahadonan. “Cu sindicato STA no tin compincheria”. E director kier bin cu un reorganisatie, cu sigur por significa reduccion di trahado manera cu a sosode na 2004 cu trahadonan na Triple A. Hopi tata y mama di famia por perde trabou, y de Cuba no kier pa esey pasa na Elmar.