Secretaria di minister Paul Croes den libertad bou condicion

ORANJESTAD – E secretaria di minister Paul Croes, Selma A. ta den libertad atrobe desde diadomingo atardi. Contra Selma A, ministerio publico a pidi pa alarga e detencion, pero mes momento tambe pa suspende e detencion. Hues comisario a dicidi e ora pa alarga su detencion cu 60 dia, y a dicidi tambe pa suspende, pero bou condicionnan. E condicionnan ta cu e ta keda na disposicion di husticia (dus ora Lands Recherche mester di dje, e ta presenta) y cu e no tin contacto cu otro sospechosonannan y testigonan. Investigacion ta sigui, pero e mag di spera den libertad. E condicionnan aki a pone riba e otro sospechosonan cu a bay den libertad tambe.