Mega Store Op=Op XXL ta habri 29 di September na e ex-sitio di Leen Bakker

(ADVERTORIAL)

PALM BEACH - E Aruba Growth Fund, cual tambe ta maneha e Hilton Aruba Caribbean Resort & Casino riba e isla, ademas di e tiendanan di Op=Op Aruba, ta contento di por anuncia e gran apertura benidero Op=Op XXL.E megastore lo habri na e sitio cu antes tabata ocupa pa Leen Bakker, cual ta un ubicacion strategico, entre Oranjestad y Palm Beach. Fiel na su nomber, e tienda XXL ta e mas grandi den e cadena di Op=Op, incluyendo na Hulanda y Aruba. E ta e di tres sucursal cu Op=Op a habri riba e isla, den menos di un anja.

 Na cuminsamento di 2017, ora Aruba Growth Fund a cuminsa traha cu Op=Op, un cadena di tienda di botica popular na Hulanda, gerencia nunca lo por a imagina cu e tienda lo haya un recepcion asina entusiastico. Pero e hecho ta cu riba dia 28 di April, 2017, habitantenan for di tur rond di nos isla a para den fila na Savaneta, dilanti di e porta cu no a ni habri ainda, y a warda cu pasenshi pa e negoshi habri.  

Na momento cu nan a corta e cinta ceremonial, e clientenan a cuminsa haci nan compras y spaar placa, disfrutando di e experiencia y e productonan di cuido di salud, beyesa y domestic, pa prisnan totalmente rasonable.   Op=Op Savaneta a bira un exito den un periodo cortico cual a resulta den e apertura di e di dos tienda, na Dakota, riba dia 21 di Juli, y awo e megastore lo habri riba dia 29 di September, ora Op=Op XXL lo habri riba L.G. Smith Blvd. Op=Op XXL ta conta cu un bunita surtido di mercancia, mescos cu su tiendanan ruman na Hulanda, limpi y bon organisa, e ta surti cu e miho marcanan internacional di hopi articulo di salud, beyesa of cas, cu un descuento cu ta berdaderamente fenomenal, cu bentanan rotativo semanal riba articulonan special cu ta varia di cusinchi pa maleta y marshmallows. Bo lo ta interesa den cumpra un 4-pack di serbete di cushina pa Awg 3.99, of 18 rol di papel di WC pa solamente Awg 11 florin? Si bo contesta ta “si”, awel Op=Op ta bo destinacion pa one stop shopping.  

Op=Op a wordo crea na Klazienaveen, Hulanda, na 1997, enfocando riba marcanan internacional grandi. E compania a cuminsa cu solamente tres sucursal y awo ta maneha 135 tienda na Hulanda. Op=Op a caba di cumpra 30 ex-tienda di Blokker, aumentando e total pa mas di 160 sucursal,, dunando trabou na mas di 1,000 hende.

Ademas di un variedad amplio di shampoo, conditioner, desodorante y detergente di top marca, productonan di Op=Op ta wordo ofreci pa clientenan tanto masculino como femenino, hoben y madura. Op=Op consistentemente ta ofrece un descuento skerpi, pa tur producto diario y frecuentemente uza, mas bo cumpra, mas bo ta spaar.

Bo ta cordialmente invita pa bishita e tienda di Op=Op cu ya ta existi na Savaneta, riba e caminda principal, y na Dakota, net pafo di Dakota Shopping Paradise. Probecha di e espacio conveniente di parkeer, bishita e tienda, yena bo garoshi di compras cu e marcanan mas popular na mundo y keda sorprendi pa e MIHO prijsnan, te cu 50% mas barata compara cu otro botica riba e isla.

Follow Op=Op riba Facebook @ OpisOpVoordeelshopAruba pa promocionnan special, check e circular mensual of pasa bishita e tienda entre 9am-7pm di Dialuna pa Diasabra.