Por, bou ningun circunstancia lo forma gobierno cu AVP

ORANJESTAD – Bou di ningun circunstancia partido POR lo traha y forma gobierno cu partido AVP. Asina su lider Otmar Oduber a sigura NoticiaCla durante un conferencia di prensa di ultimo ora. Segun Oduber, pueblo a papia palabra cla diabierna ora cu e resultado di eleccion a bira conoci. No por falta e pueblo e respet y pueblo a rechaza e gobierno berde. A confirma tambe cu tabatin intercambio di informacion entre Oduber y Croes pa forma un proximo gobierno. “Si, nos tabatin encuentro y nos tin mas encuentro planea pa awe” Oduber a sigura e portal aki.

PASADO

Mientras cu Oduber a bisa den pasado cu su problema cu e tin cu e partido ta e 4 ministernan di e partido berde, el a sigura e portal aki cu ni si nan hala un banda, e no ta forma un gobierno cu nan. E hecho cu den pasado partido MEP tabata e partido cu a persigui su persona pa 7 aña largo, y cu a resulta den casonan den corte, no ta un problema segun Oduber. Esaki pasobra pa Oduber, e MEP di awor ta un otro MEP, y no e MEP di pasado. Como tal e no ta wak esey awor como un problema.