Gobernador ta cuminsa ricibi lidernan politico dialuna atardi

ORANJESTAD – Entrante dialuna Gobernador di Aruba Alfonso Boekhoudt ta cuminsa ricibi lidernan politico cu a participa na e ultimo eleccion di diabierna ultimo. Mientras cu e ta cuminsa ricibi e prome invitadonan for di 10’or, (RVA, Presidente Parlamento), ta despues di merdia e ta cuminsa ricibi e lidernan politico mes. E bishitanan ta den cuadro di preparacion pa e formacion di proximo gobierno di pais Aruba.

POLITICONAN

E prome pa bishita Gobernador lo ta Mike Eman pa 1’or sigui pa Evelyn Wever Croes pa 2’or, Otmar Oduber pa 3’or y Ricardo Croes pa 4’or. Diamars mainta ta sigui e siguiente lidernan cu ta Ursell Arends pa 9’or, Booshi Wever 9’or y mei, Christina Lampe 10’or y Holmo Henriquez pa 10’or y mei.