Rumor falso circulando riba posibel formacion di gobierno nobo

ORANJESTAD – Contrario na informacion cu ta circulando riba e rednan social di un posibel formacion di gobierno, e informacion aki no ta cuadra cu berdad. For di diasabra mainta informacion a cuminsa circula riba rednan social cu tin un formacion di gobierno, cu e.o. Evelyn Wever como prome minister. Sinembargo informacion cu NoticiaCla tin confirma, ta mustra cu, tanten cu e combersacionnan oficial aki no cuminsa dialuna, no por confirma nada.

PARTIJRAAD

Partido MEP incluso tabatin un reunion di partido den e oranan di merdia, pero tabata pa comparti pensamento y idea tocante e situacion di formacion di gobierno. No a yega ni a punto di particion di funcion ya cu na e nivel aki, e topico ey no tabata alcaso. For di gabinete di Gobernador, NoticiaCla a compronde cu dialuna e prome lidernan politico ta reuni cu Gobernador, y ta despues di esey numa por cuminsa papia riba posibel formacion. Gobernador lo dicidi, basa riba e prome ronda di combersacion, cua partido ta haya e trabou pa formacion di gobierno. Nota: potret di prome partijraad di partido MEP diasabra merdia.