Amigo di Joran vd Sloot: A kima craneo di Natalee den grot

AMSTERDAM – Un amigo di Joran van der Sloot, sospechoso den desaparicion di e Mericano Natalee Holloway na 2005, a haci revelacionnan nobo riba e morto di e dama. Un biaha mas medio Mericano y Hulandes ta trata e tema cu tin mundo facina pa un motibo of otro. Ta trata di e persona John Ludwic, cu a haci e revelacion a base di un documentario di e caso, cu ta pasando riba e canal Hulandes RTL5. Aki Ludwic ta sigura cu e hunto cu van der Sloot a kima e craneo di un dama hoben den un cueba.

Den e documentario ‘The disappearance of Natalee Holloway', e tata di Natalee, Dave, hunto cu un detective TJ Ward ta purba resolve e desaparicion y morto di su yiu muher. Na 2012 a declara Natalee Holloway oficialmente morto, aunke cu nunca no a haya su curpa.