Stichting Youth Watersports Aruba a ricibi bunita donacion

ORANJESTAD - Mas mucha siña nabega boto cu bela miho e ta pa futuro di Aruba. Aruba su naturalesa di lama ta bunita y ta duna un oportunidad grandi pa mucha siña zeil y aprecia naturalesa mas ainda. Aruba International Regatta a bin cu e idea pa traha un boto y bende esaki. E fondo di benta lo bay pa SYWA pa asina por cumpra mas material. 

Kooyman Aruba a duna palo y plywood pa e proyecto aki. Studio Advisory a duna tur otro materialnan necessario.  Rik van der Vaart y Yair Lichtenstein a construi un boto stily “Seagull” (diseña door di John Welsford). Siman pasa a bende e boto pa AWG 2.600,- na un piscador Arubiano. E “check” cu e placa di benta a wordo pasa pa SYWA durante un ceremonia chikito diasabra ultimo. Masha contento mes e zeildornan jong y e Intructor di SYWA a keda cu e fondonan aki. 

Riba e potret por mira e studiantenan di zeil, e instructor di SYWA Edwin Hartmans, Eric Mijts di Aruba International Regatta y Rik van der Vaart di Studio Advisory: Mas information over e proyecto aki ta obtenibel na www.studio-advisory.com/Seagull y www.facebook.com/arubaregatta. Stichting Youth Watersports Aruba (www.sywa.org) ta duna zeilles na Bucuti tur diasabra atardi. Por tuma contact cu SYWA na 593 8157 of email na edwin@sywa.org.