TROONREDE: Lo stimula desaroyo sostenibel serca islanan Caribe Hulandes

DEN HAAG – Gobierno hulandes lo stimula desaroyo sostenibel den e comunidad di tur e islanan den Caribe Hulandes. Esey tabata tambe e unico frase cu a toca nos area, den e discurso annual di Rey Willem Alexander na occasion di e di 200 apertura di anja parlamentario hulandes. Rey Willem-Alexander a cuminsa su discurso na apertura di e aña parlamentario cu un tono somber, relatando e desaster aereo di buelo MH17. Como tal, e Rey a referi na e dia como uno cu un toke di luto di tristesa. "Den zomer di 2014 a bira conoci cu libertad y seguridad ta vulnerable, tambe den nos parti di mundo" "E tragedia riba e parti este di Ukraine, a afecta hopi, tambe den Parlamento, y tur hende tabata tur geshocked" segun e Rey.

Por lo menos dos alinea completo a keda dedica na e situacion ey, y na tur 6 alinea completo na e situacion internacional y con Hulanda tin intencion di maneha e situacion internacional. Un cos a sali na cla, cu Hulanda ta determina pa proteha su ciudadanonan, usando tur instrumento cu e tin na su disposicion, y lo ‘no tolera ningun tipo di discriminacion’ den su propio pais.

Otro punto cu a haya atencion ta e precupacion di e cantidad grandi di desempleo, unda cu a mustra cu lo kier crea por lo menos 100.000 empleo nobo, y sigur destina pa e grupo hoben cu ta traha. Tambe lo elimina parti di e burocracia gubernamental pa esnan cu ta lantando negoshi na Hulanda.

Cuido den tur forma a haya atencion tambe, indicando cu lo atende cu esaki den un forma mas central pa por garantisa e calidad di cuido, cu aworaki ta un poco precupante.

Esaki ta e di dos biaha cu Rey Willem Alexander a tuma e ‘troonrede’ na su encargo, y a haya aceptacion di parti di su pueblo hulandes, segun encuestanan inicial haci despues di e presentacion. Por lesa e troonrede completo aki, y tambe e presupuesto (miljoenen nota aki).