ATIA y Camara di Comercio di Pereira a firma un acuerdo comercial

ORANJESTAD/PEREIRA - ATIA siman pasa, pa medio di su presidente, Ronald van Trigt, a firma un acuerdo cu Camara di Commercio di Pereira. Di parti di Camara di Comercio di Pereira a firma nan director doctor Mauricio Vegas Lumus.

Van Trigt a splica con importante e tipo di acuerdonan aki ta, especialmente cu un Camara activo manera esun di Pereira, cu recientemente a wordo nomina como un di e Camaranan mas excelente pa nan iniciativa “El Primer Ladrillo”, un programa na unda comercio y comunidad a bin hunto pa construi un Centro di Convencion, cu a wordo inaugura na februari ultimo door di Presidente di Colombia, Sr. Juan Manuel Santos, y na unda Minister president di Aruba sr. Mike Eman y un gran cantidad di hoben, cu pa medio di ATIA su miembronan a wordo invita pa participa, pa asina concientiza nan mes di e importancia di proteccion di nos medio ambiente.

RISARALDA

Risaralda ta e Departamento di Colombia cu un actividad economico creciente, muy en particular turismo ecologico, y na unda inversionnan importante ta tumando luga.

ACESO

Pa ATIA e meta di e acuerdo aki ta pa duna comercio di Aruba aceso na un region importante di Colombia, cu ta keda hopi cerca di Medellin y Bogota y ta un excelente region pa comercio, educacion di proteccion di medio ambiente, salud y turismo.

OPORTUNIDAD

Pa Aruba e acuerdo ta brinda oportunidad nobo di educacion den turismo , intercambio di programanan universitario, expande nos oferta turistico den region, cooperacion ariba e tema di conservacion di naturaleza, y un cantidad mas di posibilidadnan comercial.