Corte: Partido AVP por tene nan parada diadomingo awor

ORANJESTAD - Partido AVP por tene nan parada diadomingo awor. Asina Corte a dicta diahuebs atardi despues di a delibera pa 45 minuut. E hecho cu partido MEP a entrega peticion prome, den e caso aki no a pisa mas cu e hecho cu Prome Minister Eman tin e autoridad pa dicidi den e caso aki. Abogado pa MEP, Anthony Ruiz a tuma e abogado di e contra partido, mr Sjiem Fat na malo, cu el a 'sconde' e di dos pagina di un carta di KPA, cu ta manda bisa Eman cu polis por maneha dos parada riba un dia. Ruiz a haya sa na final cu tabatin un pagina 2, y a confronta huez cune durante e lesamento di e sentencia. Huez a para e abogado, y a bise cu tin un sentencia caba. Lider di fraccion di AVP, Marlon Sneek na final di e caso, tabata satisfecho y a bisa cu ta sigui cu e plannan ya cu AVP tabatin un permiso caba. Den corte a resulta cu na mei AVP a haci nan peticion, segun abogado Sjiem Fat.  MEP su lider Evelyn Wever a bisa cu e ta respeta desicion di huez y cu MEP ta bay core campaña diadomingo y ta colecta placa pa damnificadonan na St Maarten y cu na final, lo tene un evento riba plaza Starke (tereno dilanti Dimas) atardi, unda cu lo entrega e resultado di loke a colecta durante e dia. Keda pendiente pa e relato di loke a sosode den corte .