Vaders: Cliente Paul Croes ta apela prolongacion di detencion

ORANJESTAD - Abogado di minister Paul Croes estas Marije Vaders lo apela e desicion di prolongacion di su cliente. Asina NoticiaCla a haya confirma awe. E abogado a opta pa no bay den ningun detaye di e caso mes, respetando e 'regla di wega completo'. 

RARO

Bisando esey, loke si por a compronde di e abogado, ta cu su persona como representante di Sr Paul Croes  ta sinti cu tin cosnan basta raro den henter e proceso aki for di principio di e caso. Pa cuminsa, a pidi masha tanto biaha pa haya documentonan manera ley ta obliga OM di duna y despues cu finalmente ta haya esakinan despues di lunas, ta keda rek e proceso awor cu extension.Y como tal Vaders a dicidi cu ta bay apela esaki pasobra " ta increibel con nan kier 'tortura' e famia di e forma aki". 

EXTENSION 

Fiscal a pidi extension di aresto hasiendo uso di loke ley ta permiti usando como argumento cu mester cuida e investigacion. Pero segun e abogado, tur esaki ta sosode siendo cu ya caba un abogado mes den NoticiaCla ta comenta riba e caso dunando su 'opinion' extensivamente riba un caso cu ta den investigacion amplio. " No a tende nada di e Fiscal di e echo aki ni un dia". Tin mas cos ta sosodiendo pero cu e portal aki no por a confirma ainda, y como tal no por trece dilanti ainda. Keda pendiente pa mas riba e asunto aki. Entre nan, posibel presmento pa hende declara cosnan cu lo nan no a bisa.